Թեյակաթնային դիետա

Անվանումն արդեն խոսում է այն մասին, որ դիետայի հիմնական բաղադրիչները թեյն ու կաթն են: Թեյակաթնային դիետան մաքրող դիետա է, և խորհուրդ չի տրվում մի քանի օր շարունակ հետևել դրան: Այն միզամուղ ազդեցություն ունի: Մեկ ամբողջ օր թեյակաթնային դիետայով կարելի է կորցնել 500գ- 2կգ: Այն նաև հիանալի մաքրում է լյարդն ու արյունը, լավացնում է նյութափոխանակությունը:

Ճիշտ պատրաստված թեյակաթը մեծացնում է թեյի և կաթի օգտակար ազդեցությունը:

Թեյակաթ պատրաստելու եղանակներ.

2 լ կաթը տաքացնում ենք մինչև 70˚ և ավելացնում նրա մեջ 3-3 ճ. գդալ մեծ տերևներով կանաչ թեյ: Թրմել 20 րոպե:

Թրմել 2-3 ճ. գդալ կանաչ թեյ 1լ. եռացած ջրի մեջ: Կաթը տաքացրեք մինչև 70˚ առանձին կաթսայի մեջ և 5 րոպե անց խառնեք թեյի հետ: Թողեք 20-30 րոպե:

Թեյակաթ պատրաստելու համար ձեզ պետք կգա մեծ տերևներով կանաչ թեյ: Կարելի է այն խառնել նաև սև թեյի հետ հավասարաչափ բաժիններով:

Ընտրեք ամենացածր յուղայնության կաթը: Թեյակաթը կարելի է  խմել և տաք, և սառը վիճակում: Ամենաարդյունավետը 2 ժամը մեկ խմելն է:  Այդ օրը պետք է խմել ոչ միայն թեյակաթ, այլև 1.5-2 լիտր մաքուր կամ հանքային ջուր:

Հարցեր, պատասխաններ, մեկնաբանություններ